Xəbərlər
II “GİNius” intellektual yarışının növbəti mərhələsi baş tutub
Açılış mərasimində gənclər və idman nazirinin müşaviri Ramil Cabbarov çıxış edərək yarış iştirakçılarına uğurlar arzulayıb və belə təşəbbüslərin əhəmiyyətini vurğulayıb. Komanda ruhunun gücləndirilməsi, çevik qərarvermə bacarıqlarının inkişaf etdirilməsi və qurumlar arasında əməkdaşlığın genişləndirilməsi məqsədilə təşkil olunan bu mərhələdə ümumilikdə 16 qurum iştirak edib. Yekun nəticələrə əsasən, “Azərbaycan Hava Yolları” QSC, “Regional İnkişaf” İctimai Birliyi, Maliyyə Nazirliyi, Azərbaycan Yerüstü Nəqliyyat Agentliyi, Azərbaycan Mərkəzi Bankı, Ekologiya və Təbii Sərvətlər Nazirliyi, Rəqəmsal İnkişaf və Nəqliyyat Nazirliyi, “Azərbaycan Xəzər Dəniz Gəmiçiliyi” QSC və Dövlət Turizm Agentliyi növbəti mərhələyə yüksəliblər.
Daha ətraflı
“Beynəlxalq Novruz Festivalı Azərbaycan” layihəsi keçirilib
Azərbaycan, İtaliya, Niderland, Almaniya, Qazaxıstan və Pakistanı təmsil edən 40 iştirakçının qatıldığı proqram çərçivəsində gənclər Azərbaycanın zəngin mədəni və tarixi irsi ilə yaxından tanış olub, eyni zamanda interaktiv fəaliyyətlərdə iştirak edərək yeni beynəlxalq əlaqələr qurmaq imkanı əldə ediblər. Layihə müddətində təşkil olunan mədəni təqdimatlar, şəhər turları və sosial fəaliyyətlər gənclərin müxtəlif mədəniyyətləri daha yaxından tanımasına, qarşılıqlı anlaşmanın güclənməsinə və Novruz ruhunun birgə yaşadılmasına şərait yaradıb.
Daha ətraflı
Beşinci “Yüksəliş” müsabiqəsinin qalibləri ilə görüş keçirib
Daha sonra dördüncü “Yüksəliş” müsabiqəsinin qalibi, Mentorluq proqramının iştirakçısı İnsafəli Səmədov proqram çərçivəsində qazandığı təcrübə, əməkdaşlıq imkanları, eləcə də gənclər və idman sahəsində əldə etdiyi yeni biliklər barədə danışıb. İnsafəli Səmədov göstərilən dəstəyə görə nazirə təşəkkürünü bildirərək gələcəkdə də birgə fəaliyyətin davam etdirilməsində maraqlı olduğunu qeyd edib. Görüşdə nazir müavini Fərhad Hacıyev və nazirliyin Gənclərlə iş şöbəsinin müdiri Ülviyyə Axundova da iştirak ediblər.
Daha ətraflı
Azərbaycan nümayəndə heyəti Tacikistan Respublikasının Düşənbə şəhərində “Novruz-2026” Ümumdünya Gənclər Festivalı və Şanxay Əməkdaşlıq Təşkilatına (ŞƏT) üzv dövlətlərin Gənclər Forumunda iştirak dib
Forum çərçivəsində iqlim dəyişikliyi və bu sahədə gənclərin rolu, sahibkarlıq, innovativ iqtisadiyyat, rəqəmsallaşma və yeni texnologiyalar, könüllülük və digər aktual mövzular üzrə müzakirələr aparılıb. Bununla yanaşı, iştirakçılar üçün Tacikistanın Hisar və Nurek şəhərlərinə ekskursiyalar təşkil olunub. Azərbaycan nümayəndə heyətinin tərkibində təmsil olunan gənclər təşkilatlarının nümayəndələri və müxtəlif sahələrdən olan fəal gənclər tədbirdə ölkəmizin müvafiq sahələr üzrə təcrübəsini iştirakçılarla bölüşüblər.
Daha ətraflı
2026-cı ilin “Gənclər Paytaxtı” Goranboyda BaharFest və Novruz şənliyi keçirilib
Bölgələrdən olan gənclərin iştirakı ilə folklor nümunələri, musiqi proqramları və ifalar nümayiş etdirilib. “Gənclər Paytaxtı”nın maskotu festivala xüsusi rəng qatıb. 33 Gənclər Evinin iştirakı ilə keçirilən festival gənclər arasında birlik, həmrəylik və Novruz ənənələrinin yaşadılmasına töhfə verib.
Daha ətraflı
Beynəlxalq tədbirlərdə iştirak etmiş gənclərin cənab nazirlə görüşü
Yaponiya, Türkiyə, ABŞ, Danimarka, Yunanıstan, Vyetnam, İsveçrə və Koreyada keçirilmiş beynəlxalq əhəmiyyətli tədbirlər, beynəlxalq yarışlarda iştirak edən gənclər öz təəssüratlarını paylaşıb, nailiyyətləri, tədbirlərdə iştirakları barədə ətraflı məlumat veriblər. Görüşdə gənclərin fikirlərini və təkliflərini dinləyən nazir Fərid Qayıbov nailiyyət qazanan gəncləri təbrik edib, fəaliyyətlərinin davamlılığını arzulayıb.
Daha ətraflı
Azərbaycan Dillər Universitetinin tələbələri ilə görüş
Tədbirdə ADU-nun Elm və innovasiya məsələləri üzrə prorektoru, professor Həmidə Əliyeva çıxış edərək ölkədə gənclər siyasətinin əhəmiyyəti və gənclərin inkişaf imkanları barədə danışıb. Nazirliyin Tələbələrlə iş sektorunun müdiri Elnur Abdullayev çıxış edərək nazirliyin fəaliyyəti və əsas vəzifələri haqqında məlumat verib, iştirakçılara beynəlxalq tədbirlər, forumlar və mübadilə proqramlarında iştirak imkanlarını təqdim edib. Tədbir sual-cavab sessiyası və gələcək əməkdaşlıq imkanları üzrə fikir mübadiləsi ilə yekunlaşıb.
Daha ətraflı
“360° Sosial Media: TGT-lərin sosial media idarəetməsi və aktivliyi” mövzusunda təlim keçirilib
Təlimdə ali və orta ixtisas təhsili müəssisələrinin tələbə gənclər təşkilatlarının ictimaiyyətlə əlaqələr üzrə nümayəndələri iştirak ediblər. Tədbirdə tələbələrə gənclər və idman nazirinin müşaviri Ramil Cabbarov sosial media idarəçiliyi və marketinq mövzusunda təlim keçərək bu sahədə effektiv kommunikasiya, düzgün kontent strategiyası və auditoriya ilə əlaqələrin qurulması barədə fikirlərini bölüşüb. Sonda TGT nümayəndələri onları maraqlandıran sualları ünvanlayaraq mövzu ilə bağlı ətraflı məlumat əldə ediblər.
Daha ətraflı
Təşkilatlarının Novruz yığıncağı keçirilib
Tədbirdə 70-ə yaxın gənclər təşkilatı nümayəndəsi iştirak edərək gələcək fəaliyyət istiqamətləri ətrafında müzakirələr aparıb. Proqram çərçivəsində iştirakçılar üçün maraqlı master-klaslar təşkil olunub, canlı musiqi təqdim edilib
Daha ətraflı
“NovruzFest” düşərgəsi keçirilib
Düşərgə çərçivəsində təşkil olunan “Novruz və gənclər arasında ortaq mənəvi dəyərlərin təşviqi” mövzusunda seminarda iştirakçılara milli adət-ənənələrimiz və dəyərlərimiz barədə ətraflı məlumat verilib. Eyni zamanda, gənclər təqdimatlarla çıxış edərək öz ölkələrinin mədəniyyətini və ənənələrini bölüşüblər. Düşərgə müddətində iştirakçılar üçün müxtəlif intellektual oyunlar və idman yarışları keçirilib. Gənclər Novruz tonqalı ətrafında bir araya gələrək milli musiqi və rəqs nümunələri ilə tanış olub, ənənəvi oyunlarda iştirak ediblər. Bununla yanaşı, iştirakçılar üçün Şəki şəhərinin zəngin tarixi və mədəni irsi ilə yaxından tanış olmaq məqsədilə ekskursiya təşkil olunub.
Daha ətraflı
II “GİNius” intellektual yarışının növbəti mərhələsi keçirilib
Açılış mərasimində Azərbaycan Respublikasının Dövlət Himni səsləndirilib. Ulu Öndər Heydər Əliyevin və şəhidlərimizin xatirəsi bir dəqiqəlik sükutla yad edilib. Tədbirdə gənclər və idman nazirinin müşaviri Ramil Cabbarov və nazirliyin Gənclərlə iş şöbəsinin müdiri Ülviyyə Axundova çıxış edərək iştirakçılara uğurlar arzulayıblar. Yarışın bu mərhələsində 14 qurum mübarizə aparıb. Nəticələrə əsasən, Əmlak Məsələləri Dövlət Xidməti, Əmək və Əhalinin Sosial Müdafiəsi Nazirliyi, “Azərbaycan Dəmir Yolları” QSC, Gənclər və İdman Nazirliyi, Müdafiə Nazirliyi, Azərbaycan Gənclər Fondu, Azərbaycan Respublikasının Baş Prokurorluğu, eləcə də Qaçqınların və Məcburi Köçkünlərin İşləri üzrə Dövlət Komitəsi növbəti mərhələyə vəsiqə qazanıblar.
Daha ətraflı
“Urban Hackathon 2026 – Dayanıqlı Şəhər Mobilliyi üzrə Milli Tələbə Hakatonu” keçirilib
Tədbirdə Azərbaycanın müxtəlif ali təhsil müəssisələrini təmsil edən komandalar yarışaraq 48 saat ərzində layihələr üzərində çalışıblar. Bu müddət ərzində peşəkar ekspertlər və mentorlar komandalarla birbaşa işləyərək maliyyə modelləri, sahibkarlıq yanaşması, dayanıqlı innovasiyalar, Dayanıqlı İnkişaf Məqsədləri və əlçatanlıq mövzularında tövsiyələr veriblər. Hakaton çərçivəsində iştirakçılar, layihələrinin problemin analizi, təklif olunan həll mexanizmi, məhsul və ya xidmət modeli, bazar potensialı və davamlılığı ilə bağlı təqdimatlar ediblər. Layihənin yekununda ən uğurlu ideyalar qaliblər olaraq müəyyənləşdirilib və müvafiq mükafatlarla təltif olunub.
Daha ətraflı
“Şəhərsalma və Memarlıq İli” çərçivəsində “Bizim şəhərlər: Gənclərin baxışı” düşərgəsi keçirilib
6 gün davam edən proqramda 150 gənc şəhərsalma, memarlıq, innovasiya və yaradıcılıq sahələrində nəzəri biliklər əldə edib, praktiki fəaliyyətlər vasitəsilə bu bilikləri tətbiq edib. Təlim sessiyaları, panel müzakirələri və interaktiv fəaliyyətlər iştirakçıların analitik düşünmə, yaradıcılıq və komanda əməkdaşlığı bacarıqlarını inkişaf etdirib. Proqram çərçivəsində keçirilən tematik vörkşoplar və yaradıcı fəaliyyətlər gənclərin şəhər mühitinə dair baxışlarını formalaşdırmağa, mövcud problemlərin təhlili və alternativ həll yanaşmalarının irəli sürülməsinə şərait yaradıb.
Daha ətraflı
“Könüllü Baharı 2” Azərbaycan könüllülərinin yaz düşərgəsi keçirilib
Proqram çərçivəsində iştirakçılar üçün komanda quruculuğu oyunları, voleybol çempionatı, “Bahar missiyası” adlı kvest və özünümüdafiə üzrə praktiki təlimlər təşkil olunub. Bununla yanaşı, peşəkar ekspertlər tərəfindən bədən dili, layihələrin idarə olunması və kommunikasiya mövzularında sessiyalar keçirilib. Tədbir Novruz adət-ənənələrini özündə əks etdirən səməni bəzəmə ustad dərsləri, “Novruz xonçası” müsabiqəsi və tonqal mərasimi ilə davam edib. Sonda yarış və müsabiqələrin qalibləri mükafatlandırılıb.
Daha ətraflı
“The WeekEND III – Tələbə Klubları” düşərgəsi keçirilib
Düşərgənin ilk günündə iştirakçılar Ümummilli Lider Heydər Əliyevin abidəsini ziyarət ediblər. Açılış mərasimində Quba Rayon İcra Hakimiyyəti başçısının müavini Səidə Abbasova, Gənclər və İdman Nazirliyinin Tələbələrlə iş sektorunun müdiri Elnur Abdullayev və ATGTİ-nin sədri Rəşad Zeynalov iştirakçıları salamlayaraq çıxış ediblər. Proqram çərçivəsində klub idarəçiliyi, marketinq və brend quruculuğu, innovasiya və layihə hazırlanması, süni intellekt, akademik və karyera planlaması, liderlik və komanda idarəetməsi mövzularında təlimlər, sessiyalar və müzakirələr keçirilib. Eyni zamanda startapçılarla görüşlər, layihə təqdimatları, intellektual və idman yarışları da təşkil olunub.
Daha ətraflı
“Gənclər Paytaxtı” layihəsinin açılış mərasimi keçirilib
Goranboy şəhərində 2026-cı il üçün “Gənclər Paytaxtı” layihəsinin açılış mərasimi keçirilib. Tədbirdə əvvəlcə Ulu Öndər Heydər Əliyevin və ölkəmizin suverenliyi uğrunda canlarından keçmiş şəhidlərin əziz xatirəsi bir dəqiqəlik sükutla yad edilib. Daha sonra Dövlət Himni səsləndirilib.
Daha ətraflı
“Menecer səriştələrinin inkişafı” mövzusunda təlim-düşərgə keçirilib
Beş gün davam edən proqramda ölkənin müxtəlif bölgələrindən 100-dən çox nümayəndə iştirak edib. Düşərgə müasir rəhbərin əsas səriştələrini əhatə edən “Strateji düşüncə”, “Komanda idarəetməsi”, “Büdcə planlaması”, “Xidmətyönümlü fəaliyyət” və “Maraqlı tərəflərlə effektiv əməkdaşlıq” istiqamətləri üzrə təşkil olunub. Təlimdə iştirakçılar real hadisələr əsasında hazırlanmış keys nümunələri, praktiki tapşırıqlar, oyun modelləri və komanda fəaliyyətləri vasitəsilə qərarvermə, məsuliyyət və nəticəyönümlü idarəetmə bacarıqlarını praktik mühitdə tətbiq ediblər. Refleksiya sessiyaları isə öyrənilən yanaşmaların sistemləşdirilməsinə və fərdi inkişaf planlarının formalaşdırılmasına şərait yaradıb. Düşərgənin sonunda iştirakçılar tərəfindən hazırlanmış təqdimatlar və keys müdafiələri təqdim olunub, qiymətləndirmə mərhələsi keçirilib və proqramı uğurla tamamlayan rəhbərlərə müvafiq sertifikatlar verilib.
Daha ətraflı
“Gənclik düşərgəsi” təşkil olunub
#Goranboy2026 “Gənclər Paytaxtı” tədbirlər planı çərçivəsində Goranboy Olimpiya İdman Kompleksində 17-23 yaş aralığında olan şəhid övladları üçün “Gənclik düşərgəsi” təşkil olunub.
Daha ətraflı
"TGT-lərin Strateji Planlaşdırma Konfransı 2026" keçirilib
Fevralın 9-dan 12-dək Quba İstirahət, İdman, Təlim və Tədris Kompleksində Gənclər və İdman Nazirliyi, Gənclər Fondu və Azərbaycan Tələbə Gənclər Təşkilatları İttifaqının (ATGTİ) birgə təşkilatçılığı ilə “TGT-lərin Strateji Planlaşdırma Konfransı 2026” keçirilib.
Daha ətraflı
Azərbaycan gəncləri “Indus AI Summit 2026” layihəsində iştirak ediblər
Azərbaycan gəncləri Pakistanın İslamabad şəhərində keçirilən “Indus AI Summit 2026” layihəsində iştirak ediblər. Açılış mərasimində Pakistan İslam Respublikasının Baş naziri Məhəmməd Şahbaz Şərifi çıxış edib. Daha sonra ölkənin süni intellekt strategiyası barədə məlumat verilib və tədbir panel müzakirələrlə davam edib.
Daha ətraflı
“Hər kəs üçün Gənclik” adlı inklüziv düşərgə keçirilib
Fevralın 9-dan 13-dək Mingəçevir şəhərində yerləşən “Kür” Olimpiya Tədris-İdman Mərkəzində əlilliyi olan gənclərlə birgə, ümumilikdə 65 nəfərin iştirakı ilə “Hər kəs üçün Gənclik” adlı inklüziv düşərgə keçirilib.
Daha ətraflı
“Açıq zəka, parlaq gələcək” adlı II beynəlxalq qış məktəbi keçirilib
Fevralın 8-dən 14-dək Quba İstirahət, İdman, Təlim və Tədris Kompleksində Gənclər və İdman Nazirliyinin dəstəyi və Azərbaycan İdman Akademiyasının təşkilatçılığı ilə Türk dünyası gəncləri üçün “Açıq zəka, parlaq gələcək” adlı II beynəlxalq qış məktəbi keçirilib. Açılış mərasimində dövlət və qurum nümayəndələri çıxış edərək proqramın gənclərin bilik və bacarıqlarının inkişafı baxımından əhəmiyyətini vurğulayıblar.
Daha ətraflı
“Könüllülərin Karyera Düşərgəsi” keçirilib
Fevralın 8-dən 12-dək Şəki Olimpiya İdman Kompleksində “Könüllülərin Karyera Düşərgəsi” keçirilib. Gənclər və İdman Nazirliyi, Dövlət Məşğulluq Agentliyi və “Coca-Cola Azərbaycan”ın dəstəyi, “ASAN Könüllüləri” Təşkilatı və “ASAN Kadr” Karyera Mərkəzinin təşkilatçılığı ilə keçirilən düşərgədə bakalavr təhsilinin sonuncu kursunda təhsil alan tələbələr, magistrantlar, qiyabi təhsil alan şəxslər, həmçinin 29 yaşadək ali təhsilli məzun gənclər iştirak ediblər.
Daha ətraflı
Qurumlararası II “GİNius” intellektual yarışı start götürüb
Fevralın 7-də Bakı Kristal Zalında “Gənclər həftəsi” çərçivəsində Ümummilli Lider Heydər Əliyevin xatirəsinə həsr olunmuş gənc əməkdaşlar arasında qurumlararası II “GİNius” intellektual yarışı start götürüb.
Daha ətraflı